The activity or process of keeping something valued alive, intact, or free from damage or decay. Preservation of state parks/monuments.

 9th August 2023

 மண்புழு உரம் தயாரிப்பு

முன்னுரை
மண்புழு உரம் பயிருக்கு நல்ல ஊட்டச்சத்துக்களும், வளர்ச்சி ஊக்கிகளும் அளிக்கிறது. பழங்கள், மலர்கள் மற்றும் காய்கறிகளில் மண்புழு உரம் உபயோகத்தால் அதன் வைப்புத் திறன் அதிகரித்து காணப்படுகிறது. மண்புழுத் தயாரத்தலில், அநேக தனிநபர் மற்றும் நிறுவனங்களும் மிகுந்த ஆர்வம் காட்டி வருகின்றனர். சிலர் அதிக அளவில் வர்த்தக ரீதியாக உற்பத்தி செய்யவும் ஆரம்பித்துள்ளனர். ஒரு கிலோ  மண்புழு உரம் தயாரிக்கும் செலவு ரூ. 1.50 ஆகும், ஆனால் இதனை ரூ. 2.50க்கு விற்கலாம். மற்ற அங்ககப் பொருட்களான வேப்பம் புண்ணாக்கு, மணிலா புண்ணாக்கு, ஆகியவையும் இதே விலையில் விற்கப்படுகின்றன.

மண்புழு தயாரிக்க, வேளாண் கழிவுகள் மற்றும் மாட்டுச் சாணம் ஆகியவற்றை 1.5 மீட்டர் அகலமும் 0.9 மீட்டர் உயரப் படுக்கையாகவும், தேவையான நீளம் பரப்பி மட்கச் செய்யலாம். 300 மண் புழுக்கள் ஒரு மீட்டர் 3 கொள்ளளவுக்கு இரண்டு அடுக்குகளுக்கு இடையே விடலாம். படுக்கைகள், 40-50 சதவிகிதம் ஈரப்பதத்தில் அதன் வெப்பம் 20-30 டிகிரி செ மேல் அதிகரிக்காமல், தண்ணீர் தெளித்து பராமரிக்கவேண்டும். மண்புழுக்கள் தீவிரத் தீவனம் உட்கொள்ளும் ஆற்றல் மிக்கதால், அவை எளிதில் கிரகித்து மண்புழு உரமாக மாற்றிவிடும். மண்புழு கழிவில் பயிருக்குத் தேவையான அதிக ஊட்டச்சத்துக்கள் உள்ளன.

வர்த்தக ரீதியாக உற்பத்திச் செய்யும் போது முதலீடு செய்தல் சற்று அதிகமாக இருக்கும். முதலீடு செலவு ஒரு டன் தயாரிக்க ரூ. 1500 முதல் 2500 வரை தேவைப்படும். வர்த்தக ரீதியாக பெரிய அளவில் தயாரிக்க, இயந்திரங்களும், போக்குவரத்திற்கு வாகனங்களும் தேவையானதால், முதலீடு பணம் செலவு சற்று அதிகமாகும். பெரும்பாலும், இது இலாபகரமாகவே அமைகிறது. மண்புழு உரம் தயாரிக்க கீழ்க்காணும் அம்சங்களை கருத்தில் கொள்ளவேண்டும்.

மண்புழுவைப் பற்றி
இந்தியாவில் உள்ள 350 இன மண்புழுக்களில் ஈசீனியா ஃபிட்டிடா, யுர்டிலஸ் யுஜினியே, பைரினாக்ஸ் எக்ஸ்கவேட்டியல் ஆகியவை அங்ககப் பொருட்களை உரமாக மாற்ற உபயோகப்படுத்தப்படுகின்றன. இப்புழுக்கள், தென்னை நார்க் கழிவு முதல் சமையலறை கழிவுகள் வரை அனைத்து வகையானப் பொருட்களையும், மண்புழு உரமாக மாற்றவல்லது. மண்புழு உரம் தயாரிக்கும் நிலையம், தேவையான அங்ககப் பொருட்கள் கிடைக்குமிடமாக இருத்தல்  மிகவும் அவசியம். இனவிருத்தி செய்யத் தயார் நிலையிலுள்ள புழுக்கள், ஆறு வாரத்தில் 7-10 நாட்களுக்கு ஒரு முறை முட்டையிடும் தன்மையுடையது.

ஒவ்வொரு முட்டையிலிருந்து 7-10 புழுக்கள் வெளிவரும். எனவே சாதாரண தட்பவெப்பச் சூழ்நிலையில் இதன் இனவிருத்தி தன்மை மிகவும் அதிகம். முதிர்ச்சி அடைந்த மண் புழுக்களை பிரித்தெடுத்து, வெப்பக் காற்று அடுப்பில் ஊறவைத்து அதை கால்நடைகளுக்கு தீவனமாக அளிக்கலாம். ஏனெனில் அதில் 70 சதவிகிதம் புரதம் உள்ளது.

நிலம் / இருப்பிடம்
மூலப்பொருள் கிடைப்பதற்கும் மண்புழு உரம் விற்பனை செய்வதற்கும் உகந்தது. நகரத்தின் சுற்று வட்டாரங்களிலும், கிராமப்புறங்களிலும் மண்புழு உரம் தயாரிக்க உகந்த இடமாகும். மண்புழு உரம், பழம், காய்கறி மற்றும் மலர்களின் தன்மையில் மாற்றம் கொண்டு வரவல்லதால், மண்புழு உரம் தயாரிக்குமிடம், அமை விளைவிக்கப்படும் இடங்களுக்கு அருகாமையிலேயே அமைக்கலாம்.

உபயோகம்
மண்புழு உரம், அங்கக கழிவுகளை மண்புழு உண்டு உரமாக வெளியேற்றுவதால், அதன் மேற்பரப்பு அதிகரித்து அதிகமாக சத்துப் பொருட்கள் கிடைக்கின்றன. மண்புழு உரம் தாது சத்துக்கள் அளிப்பதோடு மண்ணின் தன்மையும், நீர்ப்பிடிப்பு மற்றும் தாது சத்துக்களின் தன்மையையும் அதிகரிக்கின்றது. சிறிதளவு இராசயன உரங்களும் மண்புழுவுடன் சேர்ந்து அளிக்கலாம்.

மண்புழு உரம் தயாரிப்பு நிலைய அங்கங்கள்
கொட்டில் / குடிசை
மண்புழு தயாரிக்க, சிறு தொழில் மூலமாகவோ பெருமளவில் தயாரிக்கவோ, சிறந்த  கொட்டில் தேவை. கொட்டிலின் கூரை சாதாரண மூங்கில் சட்டங்கள் அல்லது மரச்சட்டங்கள் வைத்து, கல் தூண்களோடு அமைக்கலாம். கொட்டிலின் அளவு சூறாவளி காற்றின் போது மழை நீர் புகாத வண்ணம் அமைக்கவேண்டும். கொட்டகை அமைக்கும் போது, வேலையாட்கள் சுலபமாக வேலை செய்யும் வகையில், படுக்கைகளை சுற்றி இடம் விட்டு அமைக்கலாம்.

மண்புழு படுக்கை
பொதுவாக, மண்புழு படுக்கைகள், 75 செ.மீ முதல் 90 செ.மீ தடிமனாக இருந்தால், வடிகால் வசதிக்கும் ஏதுவாகும். மண்புழு படுக்கைகள், நிலத்தின் மேற்பரப்பில் இருக்குமாறு அமைக்கவேண்டும். எல்லாப் படுக்கைகளும் ஒரே சீராக, ஒரே அடர்த்தியுள்ளவாறு அமைத்தல், மண்புழு உர உற்பத்தி குறைவதைத் தவிர்க்கலாம். படுக்கையின் அகலம், 1.5 மீக்கு குறைவாக அமைத்தல் பராமரிப்பது சுலபம்.

நிலம்
மண்புழு உற்பத்தி மற்றும் விரிவாக்க மையம் அமைக்க சுமார் 0.5-1 ஏக்கர் நிலம் தேவைப்படும். இம்மையத்தில் குறைந்தபட்சம் 180-200 சதுர அடிக்கொண்ட 8-10 குடிசைகள் போடவேண்டும். இதில் நீர் இறைக்க குழாய்க்கிணறு பாய்ச்சும் கருவிகளும் அடங்கும். நிலங்களை 10-15 ஆண்டு குத்தகையிலும் வாங்கலாம். இறுதிநிலை வளம் கொண்ட நிலமும் உபயோகிக்கலாம்.

கட்டிடங்கள்
வர்த்தக ரீதியாக பெரு அளவில் தயாரிப்பு நிலையம் ஏற்படுத்தும் போது, (கணிசமான அளவு) கட்டிடங்கள் கட்டப் பணம் செலவிடப்படவேண்டும். கட்டிடத்தின் மின்சார இணைப்புகள் மற்றும் மண்புழு படுக்கைகள் / குடிசை அமைப்புகளும் இதில் அடங்கும்.

விதைக் கையிருப்பு
விதைக் கையிருப்பு என்பது ஓர் முக்கியமான மூலதனமாகும். மண்புழுக்கள் அதிவேகத்தில் இனவிருத்தி செய்து ஆறுமாத இடைவெளியிலேயே தேவையான அளவு மண்புழு தயாரிக்க இயலும், இருந்த போதிலும் (நீண்ட காலம்) அதிக முதலீடு செய்தபின், பொறுத்திருக்க வேண்டிய அவசியமில்லை. எனவே, ஒரு மீ 3க்கு 350 புழுக்கள் வீதமே தேவையான புழுக்கள் எண்ணிக்கையைக் கொண்டு 2/3 சுழற்சியில் உற்பத்தியை பாதிக்காத வண்ணம் வளர்க்கலாம்.

வேலி மற்றும் சாலை / வழி
மண்புழுக் குழியிலிருந்து மூலப்பொருட்களும், மண்புழு உரம் போன்றவைக் கையால், இழுக்கப்படும் தள்ளுவண்டியில் எடுத்துச் செல்ல சாலை / வழிகள் அமைக்கவேண்டும்.
விலங்குகள் நடமாட்டத்தைத் தடுக்க முழுப்பகுதியும் வேலி அமைக்கவேண்டும். வேலி மற்றும் சாலைகள் அமைக்க அதிகப் பணம் செலவிடக்கூடாது ஏனெனில் இது உற்பத்திச் செலவில் நேரடி தொடர்புடையதானது மட்டுமல்லாது உற்பத்தியை அதிகரிக்க எந்த வகையிலும் உதவாது.

தண்ணீர் அமைப்பு
மண்புழுப் படுக்கைகள் எப்பொழுதும் 50 சதவிகிதம் ஈரப்பதம் காக்க வேண்டியிருப்பதால் நீர்த்திட்டம், நீர் ஆதாரம், இறைப்பு சாதனம் மற்றும் நீர் கொண்டுச் செல்லும் சாதனம் மிகவும் அவசியமாகும். இவ்வகை அமைப்பை ஏற்படுத்த கணிசமான முதலீடுத் தேவையாயிருந்தாலும் வேலையாட்கள் கையால் கொண்டு நீர்த் தெளிப்பதை விடக் குறைந்த இயக்கச் செலவேயாகும். மண்புழுத் தயாரிப்பு நிலையத்தில் திறனையும், நீர் அமைப்பின் அளவைப் பொருத்து விலை மாறுபடும்.

இயந்திரங்கள்
பண்ணை இயந்திரம் மற்றும் கருவிகள், மூலப்பொருட்களை வெட்டவும், அவற்றை படுக்கைகளில் பரப்பி வைக்கவும்.
சரக்கு ஏற்ற, இறக்க மண்புழு உரம் சேகரிக்க, படுக்கைகளுக்கு காற்றோட்டம் தர, உரம் மூட்டைக்கட்டி எடுத்துச் செல்ல, கம்போஸ்ட்டை உலரவைத்து தானியங்கி மூலம் கட்டி பேக் செய்யத் தேவை. கருவிகள் மற்றும் இயந்திரச் செலவுகளும், திட்டச் செலவுகளில் சேர்த்துக் கணக்கிடவேண்டும்.

போக்குவரத்து
மண்புழு உரம் தயாரிக்கும் நிலையத்திற்கு போக்குவரத்து மிகவும் இன்றியமையாதது. மண்புழு உரம் தயாரிப்பு மூலப்பொருள், நிலையத்திலிருந்து தூரத்திலிருந்தால், அவற்றைக் கிடங்கிற்கு கொண்டு வர போக்குவரத்து மிகவும் அவசியம். ஆண்டிற்கு 1000 டன் உற்பத்திச் செய்யக்கூடிய நிறுவனத்திற்கு 3 டன் திறன் கொண்ட சிறு டிராக்டர் தேவை. சிறு தொழில் மூலம் உற்பத்திச் செய்யப்படும் நிலையங்களில் மனிதனால் இயக்கக்கூடிய கைவண்டியே போதுமானது.
நாற்காலி, மேஜை போன்ற சாதனங்கள் அலுவலகம் மற்றும் சேமிப்புக் கிடங்குகளில் வைக்கக்கூடிய அடுக்கு அலமாரி போன்ற பிற சாதனங்களும் வாங்கி உபயோகித்தால், வேலைப் பலுவைக் குறைத்து சுலபமாக செய்ய உதவும்.

செயல் விலை
நிறுவன நிர்வாகத்தில் சிலவற்றை தேய்மான விலையின் கீழ் செலவுகளை செய்யவேண்டும். அலுவலர்களின் சம்பளம், கூலியாட்களின் சம்பளம், மூலப்பொருட்களின் விலை, போக்குவரத்து சாதனத்தின் எரிபொருள் விலை, உற்பத்திச் செய்யப்பட்ட பொருள், சிப்பமிடும் செலவு, பழுது பார்த்து பராமரிக்கும் செலவு, மின்சாரம், காப்பீடு போன்ற அம்சங்களும் இதில் அடங்கும். ஒவ்வொரு நாளும் ஆட்களின் வேலைகளை ஒவ்வொருவருக்கும் பகிர்ந்தளித்து நாளின் இறுதியில் அதைச் செவ்வனே முடிக்க அறிவுறுத்தலாம். தேவையான வேலையாட்களை தெரிவு செய்து, நாள் முழுவதும் வேலை செய்யத்தக்கதாக அவர்களுக்குத் தேவையான கருவிகள் மற்றும் இயந்திரங்களை அளித்து காலத் தாமதமில்லாமல் செய்ய வசதி வாய்ப்புகள் ஏற்படுத்த வேண்டும்.

தற்காலிக கொட்டகை அமைத்து ஆண்டிற்கு உற்பத்தி செய்யும் நிறுவனம் நிறுவ மதிப்பீடு அட்டவணை (8 மீ  x 15 மீ  x  5.4 மீ)

இயந்திரம் மற்றும் கருவிகள்

ஒரு சுழற்சிக்கான (75 நாட்கள்) மொத்த செயல்முறை செலவுகள்

நிதி ஆய்வுகள் 200 டன் மண்புழு உரம் உற்பத்திச் செய்யும் நிலையம்

 பறவை இனங்கள் : கோழி வளர்ப்பு : இனங்கள்

கோழி இனங்கள்

கடந்த இருபதாண்டுகளில் இந்தியா இறைச்சிக் கோழி உற்பத்தியில் நல்ல முன்னேற்றம் கண்டு வருகிறது. உயர் இரக கோழிக்குஞ்சுகள், தடுப்பு மருந்துகள் அனைத்தும் நம் நாட்டிலேயே கிடைக்கின்றன. வருடத்திற்கு 41.06 பில்லியன் முட்டைகளும் 1000 மில்லியன் இறைச்சிக் கோழிகளும் உற்பத்தி செய்யப்படுகின்றன. உலகளவில் இந்தியா முட்டை உற்பத்தியியல் 4வது இடமும் இறைச்சிக் கோழி உற்பத்தியில் 5வது இடமும் வகிக்கின்றது. தற்போது இறைச்சிக்கோழி உற்பத்தி ஆண்டு வளர்ச்சியில் 15 சதவிகிதமாக அதிகரித்துள்ளது. எனவே கோழி வளர்ப்பு தேசியக் கொள்கையில் முக்கியப் பங்கு வகிப்பதோடு எதிர்காலத்தில் நல்ல முன்னேற்றத்திற்கான வாய்ப்பை வழங்கும் தொழிலாகவும் இருக்கிறது.

இறைச்சிக் கோழி வளர்ப்பின் பயன்கள்

கோழி இனங்களின் வகைப்பாடு

1.அமெரிக்க இனங்கள்

புதிய ஹேம்ப்ளையர்	வெள்ளை விளை மொத்ராக்	சிவப்பு ரோட்ஜலேன்	வையான்டேட் II

2. மத்தியதரைக்கடல் பகுதி இனங்கள்

லெஹார்ன்	மினோர்க்கா	அன்கோனா

இந்த வகை இனங்கள் குறைந்த உடல் எடையுடன் அதிக முட்டை உற்பத்தி  செய்யக்கூடியவை.

3.ஆங்கில இனங்கள்

ஆஸ்டிராலார்ட்	சுஸெக்ஸ்	ஒர்பிங்டன்

இவ்வினங்களில் சதைப்பற்று அதிகம்

4. ஆசிய இனங்கள்

பெரிய உடலுடன் வலிமையான எலும்புகளையும் அதிக சிறகுகளையும் பெற்றிருக்கும். முட்டையிலும் திறன் குறைவு.

5. இந்திய இனங்கள்

ஆசில் (சண்டைக்கோழிகள்)		கடக்னாத்பர்ஸா

வியாபார இறைச்சிக் கேரழி இனங்கள்

காப், ஹப்பர்டு, லோமேன், அனக் 2000, ஏவியன் 34, ஸ்டார்பிரா, சேம்ராட்.

முட்டையிட ஏற்ற இனங்கள்

எ.கா பிவி 300, போவான்ஸ், ஹைலின், ஹச் மற்றும் என் நிக், டீகால் லொஹ்மேன்.

இறைச்சிக் கோழி

இவை இறைச்சிக்காக வளர்க்கப்படுபவை. ஆண், பெண் என இரு வகைக் கோழிகளும் 6-8 வார வயது வரை வளர்க்கப்பட்டு இறைச்சிக்ாக அனுப்பப்படுகின்றன.

வளரும் பருவக் கோழிகள்

முட்டை உற்பத்திக்காக வளர்க்கப்படும் 9-20 வார வயது கொண்ட கோழிகள் வளரும் பருவக் கோழிகள் ஆகும்.

முட்டையிடும் கோழிகள்

முட்டை உற்பத்தி செய்யும் 21லிருந்து 72 வார வயது வரை உள்ளக் கோழிகள் முட்டையிடும் கோழிகள் எனப்படும்.
(ஆதாரம்: டாக்டர். பால்பிரின்ஸ்லி ராஜ்குமார், வேளாண் கல்லூரி, மதுரை.)

கோழிக்குஞ்சு இனங்கள்

கோழிக்குஞ்சுகளும் கோழிகள் போல இறைச்சி மற்றும் முட்டைத் தேவைக்காக வளர்க்கப்படுகின்றன. முட்டைக்கென வளர்க்கப்படும் இனங்கள் நன்கு பராமரிக்கப்பட்டு, அதனிடமிருந்து பெறப்படும் முட்டைகள் அடுத்த தலைமுறைக் குஞ்சுகள் பெறப் பயன்படுகின்றன. இறைச்சிக் கோழிகள் வறுக்க, பொரிக்கப் பயன்படுபவை என பல வைககள் உள்ளன. இவ்வகைக் கோழிகள் விரைவில் வளரக்கூடிய இனங்களான செயற்கையான வெள்ளை ஆண் இனங்கள், செயற்கை வெள்ளை பெய் இனங்கள் நிறமுடைய வெள்ளை இனங்கள்.

இந்தியாவின் முட்டையிடும் கோழி இனங்கள்

(ஆதாரம்: மத்திய ஏவியன் ஆராய்ச்சி நிலையம்)

நம்நாட்டு இனங்கள்

சாதாரணமாக கிராமங்களில் வளர்க்கப்படும் தேசிய இனக் கோழிகள் நல்ல உற்பத்தித் திறன் பெற்றவை. நம் நாட்டில் காணப்படும் சில  வகைக் கோழிகள் லெகார்ன், சஸக்ஸ், பிளைமாத் ராக் இனங்களைப் போன்று தோன்றினாலும் இவை அளவிலும் முட்டை உற்பத்தியிலும் சற்றுக் குறைந்தவை. நம் இந்தியாவின் கிழக்குப் பகுதிகளில் இவை காணப்படுகின்றன.

இந்தியாவில் வரையறுக்கப்படாத சில இனங்கள் உள்ளன. இவைக் குறைந்த உற்பத்தித் திறனே பெற்றுள்ளன. உள்ளூர் இனங்களான டெனிஸ், காஷ்மீர், ஃபேடரெல்லா, டில்ரி, பர்ஸா, டெல்லிச்சேரி, டான்கி, நிக்கோரை, காலஹஸ்தி போன்ற சில தூய இனங்களே உள்ளன., பல வகை  கலப்பு இனங்கள் வளரும் இடங்களுக்குத் தகுந்தவாறு பல நிறங்களில் காணப்படுகின்றன. இவற்றில் அசீல், சிட்டாகாங், லாங்ஸான், பிரம்மா இரத்தம் போன்றவை நல்ல உற்பத்தியுள்ள வளாக்கக்கூடிய இனங்களாகும்.

அசீல்

இக்கோழிகள் இதன் ஆற்றலுக்கும், சண்டைத் தன்மைக்கும், புகழ் பெற்றவை. இவை ஆந்திரப்பிரதேசம், உத்திரப்பிரதேசம் மற்றும் இராஜஸ்தானில் காணப்படுகிறது. நன்கறியப்பட்ட  இனங்களான (பொன்னிறச்சிவப்பு), யார்க்கின் (கருப்பு சிகப்பு), நியூரி 89 (வெள்ளை), காகர் (கருப்பு), சிட்டா (கறுப்பு, வெள்ளை) டீக்கர் (செம்பழுப்பு) ரெசா (இளம் சிவப்பு) போன்றவை குறைந்த உற்பத்தித் திறனே கொண்டாலும் தரம் மிக்கவை. நன்கு குஞ்சு பொரிக்கும் திறன் பெற்றவை. கொண்டை சிறிதாக தலையுடன் நன்கு அமைந்திருக்கும். கோழித் தாடி, காதுகள் நல்ல சிவப்பு நிறத்தில் இருக்கும். கண்கள் பெரிதாகவும் நல்ல பார்வைத்திறனுடன் இருக்கும். கழுத்து நீண்டு, சதையற்றதாக இருக்கும், உடலமைப்பு உருண்டையாகவும், மார்பகம் அகன்றும் முதுகு நேராகவும் உடலுடன் நெருக்கமாக அமைந்திருக்கும். மார்புப் பகுதியில் அதிக இறக்கைகள் இருக்காது. இறக்கைகள் கடினமாகவும் சிறகுத் துகளின்றிக் காணப்படும். வால் சிறியதாக சரிந்தும் கால்கள் நேராக, வலிமையானதாக சிறிது இடைவெளி விட்டுக் காணப்படும். சராசரி உடல் எடையளவு கிலோகிராமில் சேவல் 4-5, பெட்டைக் கோழி 34-, சேவல் குஞ்சு 3-5,4-5 பெட்டைக்குஞ்சு 2-5,3-5

அசீல்

(ஆதாரம்: டாக்டர். ஆச்சார்யா, Handbook of Animal Husbandry)

கடக்னாத்

இதன் உண்மைப் பெயர் காலம்சி எனப்படுகிறது. கருப்புச் சதையாலான கிண்ணம் போன்ற அமைப்பு என்பது இதன் பொருள் முட்கைள் சிறிது பழுப்பு நிறம் கொண்டவை. ஒரு நாள் வயதுக் குஞ்சு நீலம் கலந்த நிறத்தில் பின்பகுதியில் ஒழுங்கற்ற கோடுகளுடன் இருக்கும். பெரிய கோழியின் இறக்கை வெள்ளைநிறத்திலிருந்து தங்க நிறம் வரை பல நிறங்களில் வேறுபட்டுக் காணப்படும். தோல், பாதம், அலகு விரல்கள் சிலேட்டு நிறத்தில் காணப்படும். கொண்டை, தாடி, நாக்கு ஆகியவை கருஞ்சிவப்பு நிறத்தில் காணப்படும். மேல் மூச்சுக் குழல், வயிற்றுக் காற்றரைகள், மார்புக் கூடு போன்ற உட்புற உறுப்புகள் கருமைக் கலந்த நிறத்துடன் இருக்கும்.  மூளை, மூளை உறைகள், நரம்புகள், எலும்புக் கூட்டுத் தசைகள், போன்றவையும் கருமைக் கலந்து காணப்படும். மெலனின் படிவதால் இரத்தம் கூட நிறமிகளைப் பெற்று கருஞ்சவப்பு நிறத்தில் தான் இருக்கும். சாதாரணக் கோழி வருடத்திற்கு 80 முட்டைகள் இடும். இக்கோழி இதன் இயற்கைச் சூழலில் நல்ல நோய் எதிர்ப்புச் சக்தியுடன் இருக்கும். ஆனால் கூண்டில் அடைத்து வளர்க்கும் போது வாத நோயின் தாக்கம் அதிகம் காணப்படுகிறது.

கடக்னாத்

நேகேட் நெக் ( புகைப்பட ஆதாரம் : KVK நாமக்கல் )

புகைப்பட ஆதாரம்: நாமக்கல், வேளாண் அறிவியல் நிலையம்.

(தகவல்: www.vuatkerala.org)

இந்தியாவில் வளர்க்கப்படும் பிற இறைச்சிக் கோழிகள்

(ஆதாரம்:மத்திய ஏவியான் ஆராய்ச்சி நிலையம்)